PERÚ LLAQTAYUQKUNATA YANAPANAPAQ VENTANILLA NISQAM INTERNETLLANTA CHAYACHKAN, TRIBUNAL CONSTITUCIONALMANTA YANAPAKUY MAÑAQKUNAPAQ.

Tribunal Constitucionalpim 536 constitucional mañakuykunata ventanilla virtual nisqallanta chaskirqunku, noviembre killa, 2018 watamanta kay llamkaykunata ñawparichichkanku, chaynatam rqsirqachimun Marianella Ledesma Tribunal Constitucional umalliq.

388mi kachkan amparo mañakuykuna, 105 hábeas corpus mañakuykuna, 14 proceso cumplimiento nisqa, 14 hábeas data mañakuy, 11 proceso inconstitucional nisqa, kimsa quejakuna hinallataq huk conflicto de competencia nisqpas.

Tribunal Constitucionalpa Página Web nisqantakamam, Ventanilla virtualman yaykuykuwaq, hinaspapas mañakuynikikunata qispirqachiwaq, tuta punchawnintinmi llamkallachkanku.

“Wasillapi qipay, nispam niykuchwan, llaqtayuqkuna Constitucional mañakuyta munaptinkuqa, internetllantañam mañakunman, manañam kikinraqchu Tribunal Constitucional wasimanraq richkananqa. Emergencia punchawkunapim tramites@tc.gob.pe nisqaman qillqaykamunkuman, llaqtawan tinkunakuy kaptin chayninta mañakunankupaq”, chaynatam rimariyku Tribunal Constitucional umalliq.