Perú suyu llaqtamasiykuna

    Tribunal Constitucional umallinapaq akllawasqankutam, chaninchaykachini Perú suyu warmikunapa sutinpi, paykunam unay wataña suyachkanku derechunku kuskanchasqa kananta. Chaynallataq tukuy niraq wakcha runakunapaq, tukuy niraq rimayniyuqkunapaq, karuy karu mana tarina llaqtakunapi tiyaqkunapaq, paykunapas suyachkankum chaninchasqa kayta hatun llaqtakunawan tinkunakunankupaq. Hamuq watakunapaqmi suyachkani, kay Tribunal wasipi huk magistradullapas nativo llaqtayuq kananta, chaynapi ñawpa pachamantaraq yachaykunawan llaqtakunapa sutinpi rimarinanpaq, tiyasqanku allpata amachanankupaq, llaqtapi allin kawsayta tarinapaq runakunapa derechunman hinalla, ama pitapas maytapas usuchispa.   III. KAMACHINAY  PACHAPI  LLAMAKACHINAYPAQ    
  1. Sentenciakuna qatipay
Derechukuna amachanallapaqchuya Tribunal Constitucionalqa sentenciakunapi tantyamunan; tantyasqankuta ruwachinapaqwanmi qatianan. Chay raykum KAYNATA RIMAMUNI, sentenciakuna qatipaq comisióntam Tribunal Constitucionalpi  kallpanchasaqku, Ernesto Blume magistradupa llamkayninpi paqarimuq comisionta.    
  1. Tantyaykuna chiqapchay
Trinunal Constitucionalpas Peru llaqtayuqkunapa qayllanpim llamkayninta riqsichinan. Tribunal Consttucionalpa suni sayariyninpim llaqtapas yanapakun, chaynapi magistradukunapa justicia tantyaynin, chiqapchaynin, chuyanchayninpas llaqtapa riqsisqallan kanampaq. Denunciakunaqa chiqapchasqapunim kananku. Chay raykum KAYNATA RIMAMUNI, huñunasqa magistradukunatam mañakusaq,  Tribunal Constitucional kamachiq reglamentuta allichanapaq, chaynapi Perú suyupi aswanraq hatun kaq tantyaykuna peruanukunapa yachasqallan kananpaq.    
  1. Tribunal Constitucionalman asuykunapaq.
Tribunal Constitucionaltaqa mana yaykuna wasita hinachuya qawarina, aswanmi kay wasiqa llaqta runakuna asuykamunankupaq, derechunkunata amachaysinapaq, paykunapas magistradukunapa llamkayninkunata qatipanankupaq, rimariykunawan yanapakunankupaqwan. Chay raykum KAYNATA RIMAMUNI, Llaqta amachaq defensoriakunawanmi allin rimanakuyta firmasaqku, llaqtayuqkunapas suyunkupi defensoriakunaman chayaspanku, chaynintakama Tribunalmanta yanapakuyta mañakunankupaq, ima rimarisqankutapas Tribunal Constitucionalpa magistradunkunaman riqsichinankupaq, chaypaqmi tecnología nisqawanña yanapachikunqaku. Estaduqa chullallam, justicia aypaypas huk llamkaykunawanmi tinkunasqa kanan qalaycha llaqtaman chayananpaq.    
  1. Presupuestuta llamkachinapaq
Qanchis waranqa qatipanakunaraqmi kachkan, ichapas utqarqachiykuman. Chay raykum KAYNATA RIMAMUNI, Constitucionpa kamachisqanman hina llamkaykunapim, qalycha runkunapas kuskanchasqalla kanankupaq Economía Finanzas Ministeriuta mañakusaq presupuestuta llamkachinanpaq, utqachina qatipaykunata tukuchinapaq, Tribunal Constitucional sentenciakunata qispichinapaq, aswanraq mana qullqiyuq wakcha runakunapa allinninpaq.    
  1. Aswanraq riqsisqa qatipaykunamanta
Kunan pachakunapaqmi, ima punchaw chayamusqanman hinalla denunciakunata qatipana, ichaqa aswanraq riqsisqa qatipaykuna kaptinqa chaytaraqmi utqachina. Aswanraq llaqtapa riqsisqan runa kasqanman hinam qatipaykunata utqachina. Chayna kasqantan allichanankupaq mañakusaq, riqsisqa runa kasqanman hinachuya qatipataqa utqachina, llaqtapa allinninpaq kasqanman hinam utqachinaqaa; Chay raykum KAYNATA RIMAMUNI, Huñunasqa magistraduunatam mañakusaq llaqtapa allinninpaq kasqanman hina qtipaykunata utqachinapaq.