TC QATIPANQA PEAJE NISQAKUNAPI MANA COBRANAPAQ LEYTA, MANAPASMI CONSTITUCIONPI KAMACHISQAMAN HINACHU KACHKANMANQA

Pleno hatun rimanakuypim chullan makilla llapan magistradukuna arí nirqunku peaje nisqa mana cobranapaq leyta allichachinankupaq. Inconstitucionalmi nispam, Poder Ejecutivo denunciachkan 31018 yupaychasqa Leypa contranpi, ñawinchasqa kasqanman hinaqa chay leywanmi kamachichkanku peaje nisqata ama cobranakupaq. 

Chaynatam riqsirqachimun Marianella Ledesma Narváez, Tribunal Constitucionalpa umalliqnin, willakamusqanman hinaqa Augusto Ferrero Costa Magistradom chay denunciamantam pleno nisqapi rimariykamun. 

Chay denuncia hinalla puririnanpaqmi, Congreso wasiman apachinqaku denunciasqa kasqanta riqsichinankupaq, chayta yachaspam legislativo nisqa kutipakunan 30 punchawman manaraq aypachkaptin.

 Kutipakusqan punchawpa paqarinnintam, Tribunal Constitucional uyarinan Ejecutivo hinallataq Legislativo rimanakusqankuta, denunciaq hinallataq denunciachikuq kasqankumanhina, chaypa qipanmanmi TC sentenciata qispichimunan.