¡ALO TC! SUTIYUQ LLAMKAYTA TC PAQARIRACHIN HINASPAPAS LLAQTAWAN QILLQANAKUYTA

¡Alo TC! hinallataq qillqanakuy, kay iskay llamkaykunatam Tribunal Constitucional llaqtapa makinman churachkan.

922 01 7711 yupaykunamanmi whatsApp nisqapi llaqtayuqkuna qillqaykunkuman, Tribunal Constitucionalpi llamkapakuqmi utqayllaman qillqaykunqapunitaq runakuna tapukusqakunata kutichinanpaq, llamkana pachapim chayna kanqa.

Kay llamkaytam tariykunkichikman Tribunal Constitucionalpa página web nisqapi, lluqi kaq lawpa anayninpi.

Hinaspapas ¡Alo TC! nisqawanmi Tribunal Constitucional chat nisqata kicharqachillantaq, COVID-19 sasa punchawkunapi llaqtawan aswanraq tinkunakunanpaq, facebook nisqantakama. Chaytañataqmi tariykuwaqchik Tribunal Constitucional página web nisqapa paña kaq lawpa anayninpi.

Kay iskay llamkaykunawanmi Tribunal Constitucional wasipa llamkaynin aswanraq llaqtaman mastarikuchkan.