“ATIYNIYUQ KAQKUNA ABUSO AMA RUWANANKUPAQMI JUEZKUNA TAKYACHINAN” CHAYNATAM RIMARIYKUM TC UMALLIQ MARIANELLA LEDESMA.

Tribunal Constitucional (TC) umalliq Marianella Ledesma Narváez rimariykun “atiyniyqkuna abuso ama ruwanankupaqmi juezkuna qayarisqa kachkanku takyachinankupaq, Constitución kamachisqantam amachananku chaynapi democracia nisqata kallpanchaspa llaqtata ama usuchinapaq”.

Chayhinatam rimariykun XIII kaq Iberamérica huñunakuypi Justicia Constitucional hatun rimanakuypi, Colombia suyumantapacham kay rimanakuyta internetnintakama ñawparirachinku, Democracia hinallataq derechos fundamentales nisqamanta rimaykunankupaq Estados de Excepción nisqakunapi.

Rimarisqanman hinaqa, Perú suyupim  kan régimen de exepción nisqa, Estado de Emergencia hinallataq Estado de Sitio nisqakunapas, chaykunawanmi runakunapa derechunkuta aswanraq umalliqkuna matipanku, Perú suyupa kamachiqllami chayhina kananpaqqa kamachiyta atinman, chayhinata kamarachispaqa Congreso wasimanmi willananpuni utaq Comisión Permanente nisqapi huñunasqa congresistakunaman, ichaqa Congreso wasipi mana utqachisqankupim kay derechukuna matipayqa mana kallpanchakamunchu.

Riqsichimusqanman hinaqa derechukuna harkachkayqa manam sinchi kallpayuqchu kanan sinchi sasachakuy mana kaptinqa.

Chay raykum Constitucional Justicia ñawparichiyqa llaqtapa qatipayninwan kanan, llaqtapas yanapakamunan derechunku amachaypi, chayna kaptillanmi constitucionpi kamachiykunata suniyachisun, aswanraqmi qatipana Estado de Emergencia nisqakuna kaptin.