CARCEL WASIKUNAPAQ, ESTADO DE COSAS INCONSTITUCIONAL, NISQA.

Carcelkuna manaña aypachikuptinkum wichqasqa runakuna ñitñitillaña tiyachkanku, chayna kaptinmi, Tacna carcelpi wichqasqa runa, habeas corpus nisqawan yanapakuyta mañarqukurqa 05436-2014-PHC/TC yupayniyuqwan; chay sasachakuymantam Tribunal Constitucional “Estado de Cosas Inconstitucional” nispa sentencia nisqata qispirqachimun.

Sentencia nisqawanmi, Estado qatipanan carcel wasikunapi wichqasqa runakunapa sasachakuyninkunata hina hawanman INPE wasikunata allichachinankupaq, kikin carel ukupi uchayuq runakunata allin ñanman kutiykachipunankupaq.

Marianella Ledesma Narváez magistrada rimariykusqanpa qipallanmmanmi, huñunasqa magistradukuna tantyarqamunku, 2025 watakama Estado de Cosas Inconstitucional nisqata mana allichachiptinkuqa suqta carcelkunatam wichqachinqaku, harkasqa runakuna huntapasqallaña kasqanku rayku: Miguel Castro Castro, Sarita Colonia – Callao, chaynallataq Chanchamayo, Jaén, Camaná hinallataq Abancay llaqtakunapi carcel wasikunapas.

Sentenciapim nillachkankutaq, Economía Finanzas Ministerio wasimantapas qullqita paqarichinanku huntappasqa runakunata rakinankupaq, hinallataqmi Poder Judicialtapas qayarikullachkankutaq “preventivo harkaykunata allin allinta qatipaykuspankuraq kamachinankupaq”.

Rikuyllapaq wichqasqa runakuna usuchisqa kaptinkum, Estado de Cosas Inconstitucional nisqawan, amachachin.