CARCEL WASIKUNAPI RUNAKUNAPA YUYAYNINKUTA “SALUD MENTAL” NISQAWAN QATIPACHINKUCHU

Tribunal Constitucionalmi sentenciata qispirqachimullantaq “estado de cosas inconstitucional” nispan, carcelkunapi wichqasqa runakunapa yuyayninkumanta qatipachinapaq política llamkaykuna mana kasqanrayku.

2010 watapa, iskay chunka suqtayuq punchawnin agosto killapim, Tribunal Costitucional allinmi nirqurqa Hábeas Corpus nisqata, kay yanapakuytam mañarqukurqa Pedro Gonzalo Marroquín Soto, “salud mental” derecho kasqanmanhina mana qatipachisqa kaptin.

Esquizofrenia nisqawanmi, Gonzalo Marroquín unqurqa, chayna kaptinmi 2008 watapi qawarirqurqaku mana huchachachina kananpaq, runa wañuchisqanpa qipanta, PJ nisqanmanhinam hampina wasiman apachinanku karqa. Ichaqa, Lurigancho carcel wasipim wichqarqurqaku, chaywanmi constitución kamachisqanmanhina derechunta saruncharqurqaku.

Chayraykum Tribunal Constitucional kamarqachirqa Lurigancho carcelpa directorninta, Marroquín Soto wichqasqa runata Víctor Larco Herrera hampina wasiman astanankupaq, hampina wasipa directornintapas chaynallatataqmi kamarqachirqa, hampina wasipi chaskiykunankupaq.

Qayariykullarqataqmi Congreso wasita, Poder Ejecutivo nisqatapas, qapaq atiyninku kasqanmanhina carcelkunapi wichqasqa runakunapa sasachakuykunata allichaykachinankupaq.