CENTRO DE ESTUDIOS CONSTITUCIONALES HATUN RIMANAKUYTA RUWARACHIN

Tribunal Constitucional (TC) wasipa Centro de Estudios Constitucionales yachay wasinmi hatun rimanakuyta qispirachin “El Constitucionalismo Peruano en Perspectiva” sutichasqata, chaypim musuq maytukunata riqsichimunku hinaspapas hatun rimanakuykunata qispichinku constitucional yachaqkunapa rimariyninwan.

Kay tinkunakuypim rimariykurqa yachachiq Domingo García Belaunde, «El constitucionalismo peruano en perspectiva» sutichasqa maytuta qillqaq, panelista hina rimariqkunam karqaku TC umalliq magistrado Francisco Morales Saravia, Rafael Sánchez-Concha Barrios Perú suyupa Pontifica Universdad Católica hatun yachay wasipi yachachiq, José Gálvez Montero San Martín de Porres hatun yachay wasimanta, hinallataq maytupa editornin Pedro Grández Castro San Marcos hatun yachay wasimanta.

“Unayñam sunquchakurqani historia yachaykunata, taytaymantaraqmi kay sunquchakuyqa, llapa historia maytunkunam karqa”, chaynata rimariykuspanmi  Domingo García Belaunde niramun “derechopa historianqa hinaspapas derecho constitucionalpa historianqa historiapunim”, nispa.

Kay hatun rimanakuypa chawpinpim panelistakuna kallpanchaykunku Domingo García Belaunde constitucionalistapa ancha yachayninta, llamkaynintawan maytu qillqaynipi.

Kaymantam rimariykun TC umalliq Francisco Morales, “kay maytukunaqa Constitucional historiapa ensayo qillqayuqkunam” hinaspapas kunan pacha kaWsaykunamantawan, vacanciamanta hina, chaymi Domingo García Belaunde yachachiqtaqa niyman: “constitucionalismomanta crónica qillqaq, ñawpa 50 watakunamantaraq, kunan pacha kawsaykunatawan tinkunachispa, utqayllaman ñawinchanapaq”, nispa.

Rafael Sánchez-Concha nisqanman hinañataqmi  “Domingo García Belaunde ñawpa pacha runakunata tinkunachin llaqta ukupi imaymana kawsayninkunawan, norma kamachiykuna kasqanman hina, historia kawsaykunatam tinkunachin derechopa kimsa ruwaymanayninkunawan.

José Gálvez Montero rimarisqanman hinaqa, Domingo García Belaunde kallpanchan constitucional hisoriapa rakinasqa taqinkunata, qillqanmi allinta yuyaymananapaq, nispa.

Tukuykunapaqñataqmi, Pedro Grández niramun, García Belaunde qillqaqmi maytunpi riqichimuchkan huk suyupi jurídico sayarichiykunata imayna sayarichisqankunata, cultura constitucional kasqanman hina”.

Kay hatun rimanakuymi kikin tribunalpi karurqa hinaspapas internetninta Zoom likapi, rimanakuytam ñawparirachirqa Edgar Carpio Marcos, CEC yachaywasipa ejecutivo directornin, rimarisqanman hinaqa kay yachay wasim kallpanchan Tribunal Constitucionalpa técnico ruwayninkunata.