CENTRO DE ESTUDIOS CONSTITUCIONALES HATUN YACHAYKUNATA QISPIRACHIN

Tribunal Constitucional (TC) wasipa Centro de Estudios Constitucionales (CEC) yachaywasinpa directornin magistrado Helder Domínguez Haro Magistral rimanakuyta ñawparirachin “Derecho Penal ukupi Constitucional amachaykuna” sutichasqata, kaymantam rimariykamun Aldo García Calderón, derecho penalpi hinallataq ciencia politicapi especialisasqa.

Magistral rimanakuytam internetnintakama ruwarachinku, Zoom hinallataq Facebook Live likakunapim García riqsiykachimun Derecho Constitucionalpa hinallataq derecho penalpa tinkunakuyninta. Chay hinallataqmi niramun “Penal derechopa Constitucionalizacionnin ruwaypim tarikuchkanchik, kay ninanqa, ñawpa pachapi Leykunapa hamutaynintam musuq paradigma nisqawan yuyaymanakuchkan, legal yuyaymanaykunatam ñawpariq hina  Constitucionpa sapinmanta pacha”.

Nisqanman hinaqa, kay paradigmawanmi Constitucionpa normativo kallpanta sayarichipuchkan, chaywanmi lliw jurídico llamkapakuqkunata kamachichkanku Constitucional llamkayninkunapi constitucional yuyaymanaykunaman hina llamkanankupaq.

Niykamullantaqmi, manam Leykuna kasqanman hinallachu tantyaykunamanqa chayana, Constitucionpa sapinchayninman hinapiwanmi tantyamunaqa.

Tukuykunanpaqñataqmi rimariramun Constitucionpi kaq jurídico yuyaymanaykunamanta:  legalidad penal yuyaymanaymanta, culpabilidad yuyaymanaymanta, proporcionalidad yuyaymanaymanta, resocialización yuyaymanaymantawan.