CENTRO DE ESTUDIOS CONSTITUCIONALES MAYTUTA RIQSIRACHIN

Tribunal Constitucionalpa Centro de Estudios Constitucionales (CEC) yachay wasintam umallichkan magistrado Helder Domínguez Haro, paymi Palestra Editores wasipa umalliqninwan kuska hatun huñunakuypi riqsirachimunku “Los hechos ante la Corte Constitucional” sutichasqa maytuta, maytu qillqaqmi kachkan Luiz Guilherme Marinoni,  Brasil suyupa Universidad Federal de Paraná hatun yachaywasipi yachachiq.

Kay huñunakuytam qallarirachin TC umalliq magistrado Francisco Morales Saravia, rimarisqanman hinaqa Marinoni yachachiqmi musuq yachaykunata chayachimuchkan, Derecho puririsqanman hina. Riqsichimusqanman hinaqa CEC yachaywasim jurídico yachaykunata kallpanchamuchkan, hinaspapas Perú suyupi yachaykunata tinkunachichkan Brasil suyuwan.

Helder Domínguez magistradom rimariyninpi niramun,  magistraturata ñawparichinanpaq ama pipas sarunchasqallan, chayna kananpaqmi musuq yachaykunata kallpanchana, “derecho, deber hinallataq política pública” suniyananpaq, chayna kananpaqmi Tribunal Constitucional sunqucharukun.

Luiz Guilherme Marinoni yachachiqñataqmi niramun, ruwaykunaqa yuyaymanasqa kachkan “Control de Constitucionalidad” kasqanman hina, hinaspapas Corte mastarichichkan musuq ruwaykunata Constitución kasqanman hina.

Huñunakuytam kikin tribunalpi ruwarachinku hinaspapas  Facebook Livenintakama, Zoom likantapas, panelista hinañataqmi rimariykamunku  Lima hatun yachaywsipi yachachiq Christian Delgado Suárez; Pontificia Universidad Católica hatun yachaywasipi  yachachiq Liliana Salomé Resurrección. Clausuratañataqmi ñawparirachin yachachiq Pedro Grández Palestra Editores wasipa directornin.