“CENTRO DE ESTUDIOS CONSTITUCIONALES” YACHAY WASIM HATUN RIMANAKUYTA QISPIRACHIN MANUEL ATIENZA YACHACHIQPA RIMARIYNINWAN

Centro de Estudios Constitucionales (CEC) yachaywasipa directornin magistrado Helder Dominguez Haro niramun “Tribunal Constitucional llaqtapaq punkunta kicharin tukuy ruwasqanku riqsisqalla kananpaq,  chaymi Constitucional hatun rimanakuykunata qispichimuchkanku runakunapa derechonmanta hinallataq democracia constitucionalmanta, llaqtayuqkunapa constitucional yachaynin suniyananpaq, kay cultura kallpanchasqa kananpaq”

Kaytam niramun hatun rimanakuyta inauguraspa “Dignidad humana hinallataq constitucionalismo” sutichasqa rimanakuyta, Manuel Atienza Filosofía del derecho yachachiqpa rimariyninwan, paymi yachachin España suyupa Alicante hatun yachay wasinpi.

Domínguez yuyarirachimun, CEC yachay wasipi investigación ruwaykunata kallpanchasqankumanta hinaspapas maytukunata ruwasqankumantawan runakuna dignidadwan kawsanankupaq, jurídico ruwaykunata allin ñanninta puririchinapaq, hinaspapas llaqtawan chullanchasqalla kanankupaq.

Atienza, niramullantaq, dignidadwan kawsayqa runakunallapaqmi, chay niyqa manam derechollamanta rimaychu, obligacionkunamantapas nimanallataqmi. Derecho hinallataq deber nisqakunamantawanmi rimanapuni dignidad kananpaqqa, sine qua non, kuskanchasqa mana kaptinqa manapunim libertad nisqamantaqa rimachwanchu.