CIEZA ÑAÑAKUNAPA SENTENCIANTA TC KAQLLAMANTA QATIPACHINQA

Marleni hinallataq Elita Cieza Fernández ñañakunapa sentenciantam kaqllamantapunitaq qatipachichkanqaku, umalliqkuna ruwachichkankuchu icha manachu, chayta yachaykunankupaq, Marianella Ledesma Narváez magistrada mañakusqanmanhinalla. Qatipachinapaq audienciam kanqa 5 punchawniyuq agosto killa. (Expediente N° 00853-2015-PA/TC)

Marleni hinallataq Elita, paykunam tiyanku La Flor del distrito de Cumba llaqtapi, ichaqa secundaria tukupanankupaqmi, Educación Básica Alternativa (CEBA) sutiwan riqsisqa yachaywasi llaqtankupi mana karqachu,  ichpa kaq yachay wasiman chayaykunankupaqmi tawa uras  wasinkumanta puriykurqaku, wasinkuman kutiykapunankupaqpas tawa urasllataq, chayraykum sapa punchawqa yachay wasiman riyta atirqakuchu.

18 hinallataq 19 watankupi ñañakunam matricularqachikurqaku IE 16957 Jesús Divino Maestro yachay wasipi, ichaqa Utcubamba UGEL, Amazonas suyupi, matriculata mana uyarqurqachu primer año secundariata tukunankupaq.

Ñañakunapa amparo mañakusqantam Tribunal Constitucional ari hinaspa Educación Miisteriuta kamarqachirqakaru llaqtakunapi warmakuna yachayninkuta tukupanankupaqpuni, chayhina kananpaqmi Educación Ministeriuman plazo nisqata qurqaku tawa wata, 28 punchaw julio killa 2021 watapi plazo tukunqaña. Wakcha llaqtakunapi Educación kallpanchaytam qallarinanku karqa Cajamarca, Amazonas, Ayacucho hinallataq Huancavelica suyukunapi, chay llamkayninku imayna puririchisqankumantam  sapa 6 killa Tribunal Constitucionalman willakunaku