CÓDIGO TRIBUTARIO ALLINCHACHIQ LEYPA CONTRANPI MAÑAKUYTA TC MANA UYARQUNCHU

La Libertad suyupi Colegio Abogados mañakusqantam  Tribunal Constitucional (TC) mana uyarqunchu (Exp. N° 00004-2019-PI/TC), mañakuyninkum karqa Decreto Legislativo 1421 nisqapi qillqasqa Primera Disposición Complementaria contranpi, chaywanmi abgadokuna maskachkarqaku Código Tributario nisqata allinchachinankupaq.

Tribunal Constitucional wasipa umalliqnin Marianella Ledesma Narváez hinallataq Manuel Miranda Canales, Carlos Ramos Núñez, Eloy Espinosa-Saldaña Barrera magistradokunapiwanmi mana chaskinapaq votarqunku, ari nispankuñataqmi votarqurqaku Augusto Ferrero Costa hinallataq Ernesto Blume Fortini magistradokuna.

Pichqa votokunaman mana aypasqanraykum Código Tributario nisqamanta qillqasqa kamachikuyqa hinakaqlla qipanqa.

Tawa kaq deliberación pública nisqam, qallarirun 10 achikyay pachata, llaqtapa riqsinampaqmi interneninta qawarachimunku.

Ernesto Blume Fortini magistrado umaymanasqanman hinaqa Primera Disposición Complementaria qillqam  allinchanapuni kanan, Constitucionpa 103 articulunta usuchisqan rayku.

TC umaliqñataqmi niramun, Decreto Legislativo 1421 nisqapi Primera Disposición Complementaria qillqaqa allinsi kachkan, chaypi kamachimusqanman hinaqa hatun empresakunapas impuesto nisqata paganankupuni wakin uchuy kaq empresakuna hina. José Luis Sardón de Taboada magistradom kay huñunakuypiqa mana tinkuykanakunchu.