Notas de prensa en Quechua

Lima - octubre 6, 2020

CONGRESO WASIPA PRESUPUESTO HUÑUNAKUYNINPI RIMARIRAMUNKU 2021 WATAPI QULLQI LLAMKACHINAMANTA

Congreso wasipa Presupuesto Comisión ukupim rimariramun Tribunal Constitucionalpa umalliqnin Marianella Ledesma Narváez, chaypim riqsirachimun 2021 watapaq presupuesto mañakusqankuta: 45 millon 972,014 soles qullqita.

Jurisdiccional llamkayninkunamanta willakuspanmi riqsirachimun: kunakamam 59 huñunakuykunatam internetnintakama magistradokuna ñawparirachinku, 4 huñunakuykunata llaqtawan kuska, pusaq audiencia pública nisqakuna, iskayñataq kamachisqanku sentenciakunata qatipanankupaq. Hina hawanmanpas, firma digital nisqawan resolución nisqakunaman churararachinku, expedientekunatapas internetman churarunku, jurisprudencia nisqakunata kallpancharunku hinaspapas ventanilla virtual nisqawan llaqtata yanaparunku.

Informática llamkaykunatapas musuqyarachinkum llamkapakuqkuna rakinasqa llamkanankupaq, emergenciapi kamachiykuna kasqanmanhina, chayhinallataq mesa de partes virtual nisqatapas paqarirallachinkutaq.

Hinallataqmi riqsirachimun, Tribunal Constitucional llaqtayuqkunawan tinkunakunanpaq runa simipi página web nisqata qispirachin, hinaspapas runasimipi hinallataq castilla simipi willakuykunata chiqirichichkan, “Wasillaypim Consitución nispamanta yachani” programatapas ruwachkanku qari hinallataq warmi warmakuna Constitución nisqamanta yachaykunankupaq, chay hinallataq Tribunal Constitucionalta riqsiykunankupaq.

Centro de Estudios Constitucionales yachay wasipipas, mayo killamantapacha TC 14 yachaykunata ñawparirachin 2,774 runakunapaq.