CONSTITUCIONAL WILLAKUKUNATA QUECHUA SIMIPI QISPICHISQAMANTAM, CULTURA MINISTERIO HATUN RIQSIKUYTA TRIBUNAL CONSTITUCIONALMAN CHAYAYKACHIN

Iskay chunka iskayniyuq enero killamanta, Quechua simipi paqariq “Constitucional Willakuykunam”, Cultura Ministeriumanta hatun riqsikuyta chaskirqun, llaqta simita Perú suyupi kallpanchasqan rayku.

Sapa watam, iskay chunka hukniyuq febrero killapi, mama simipa punchawninta raymichakun, chay punchawmanta yuyaymanaspanmi Ángela Acevedo,  Interculturalidad Viceministra, Riqsirikuyta chayaykachin Tribunal Constitucionalman. Marianella Ledesma, Tribunal Constitucionalpa presidentan kamachisqanman hinam Quechua simipi willakuykuna paqarimuchkan.

“Llaqta simikunaqa allinpunim, kawsachkankuraqmi, chaynapim riqsirikullaykutaq estadupa wasinkunapipas llaqta simikunata kallpanchasqankumanta. Astawanraqmi riqsichiyta munayku Tribunal Constitucional, llamkanan wasi ukupipas  quechua simi kallpanchachisqanta. Chaynata rimariykuspanmi riqsirikuyta chayaykachin Acevedo ministra.

Kay  huñunakuymanmi chayaykullantaq Eloy Espinosa-Saldaña Magistrado. Paymi, Tribunal Constitucionalpa sutinpi hatun riqsirikuyta chaskirqun.

Marianella Ledesma presidentam, rimariyninpi riqsiykachin, quechua simipi willakuykunawansi, kamachiyninkuna ukupi maskachkan Tribunal Constitucional  karunchasqa llaqtakunawan tinkunakuyninta.