GUSTAVO GUTIERREZ MAGISTRADOM HUÑURANAKUN ARGENTINAPA VI KAQ JUSTICIA CONSTITUCIONAL HUÑUNAKUYNINPI

Tribunal Constitucionalpa magistradon Gustavo Gutiérrez Ticse  Argentina suyukama chayaykun VI Justicia Constitucional huñunakuyman, 28 punchawmanta 30 punchawniyuq setiembrekama, Santiago del Estero llaqtapi, Argentina suyupi.

“Amparo mañakuy convencionalidad qatipaypi amachakunapaq” sutichasqa rimariyninpim niramun, amparowan musuq derechokunata suniyachinapaq; chiqaq derechopaq utaq salud mental derechopaq ima, 1993 Constitucionpiqa manam qillqasqachu, nitaq protesta ruwanapaq derechopas manam qillqatamusqachu.

Rimarisqanman hinaqa, aswanraq riqsisqa qatipaymi karurqa Azanca Meza Garcíapa qatipaynin, Exp. Y.° 2945-2003-AA/TC, reivindicacionta mañakuspa, manam qali kawsanallanpaqchu, dignidad humana aypananpaqwanmi VIH sidawan unqusqan rayku, ichaqa Perú suyupi mana seguruyuq karqachu unqusqanmanta hampichikunanpaq, chaymi  TC amparo mañakusqanta uyarqun, unquyninmanta mana qullqillawan hampichikunanpaq. Ichaqa, yanapakuyta manaraq qispichichkaptinkum wañuyman chayarurqa   cáncer terminal rayku.

¿Imaynatataq ruwachwan amparo mañakuy utqananpaq? Suqta utaq 8 killa chisyaptinqa, watakamapas qipaykunmanraqmi, Perú suyupiqa aswanraq iskay watakama suyaykachikun, chayna kaptinqa manañam allinmanqa qispinmanchu. Justiciapi llamkapakuqkunaqa kay sasachakuytam allichachina, Amparo mañakuy unaykama qipaykuptinqa manañam amparoñachu kanman.

Chay hinallataqmi, yuyaymanaykamun convencionalidad controlmanta, aswanraq  llaqta ukupi atiyniyuqkuna kasqanmanta, chayna kaptinmi kay suyupi aswanraq kay llamkaykunamanta yuyaymanaykuna.

Argentinapim VI Justicia Constitucional huñunakuypi rimariykunku kimsa yachaykunamanta: Amparo constitucional amachakuykunapi yachaymanta,  tukuy niraq amparokunamanta hinaspapas amparo convencional amachakuymantawan.