HUÑUNASQA ABOGADOKUNAPA COLEGIONMI TC MAGISTRADOKUNAMAN HATUN RIQSIKUYTA QUYKUN

Arequipa llaqtapi huñunasqa abogadokunam hatun Riqsikuyta chayaykachinTribunal Constitucional (TC) magistradokunaman, XXVI raymi watan kasqan rayku, 24 punchaw  junio killam punchawnin.

Pleno huñunakuypi huñunakuqkunam umaliq Augusto Ferrero Costa, Francisco Morales Saravia, Gustavo Gutiérrez Ticse, Helder Domínguez Haro, Luz Pacheco Zerga, Manuel Monteagudo Valdez hinallataq César Ochoa Cardich magistradokuna, paykunam kay hatun riqsikuywan yaykurqunku Honorario  huñunakuqkuna hina Arequipa abogadokunapa colegionpi, Alfredo Álvarez Díaz abogadodokunapa colegion umalliqmi sapa magistradokunaman medallata sillwiykachin.

Hina hawanmanmi, Arequipa provincia municipalidadpa alcalden Omar Candia Aguilar, sapakama magistradokunaman Honor medallata quykun, diplomakunata, huk riqsikuykunatawan.

Vicepresidente Francisco Morales añaychaykun TC umalliq Augusto Ferrero Costa magistradopa sutinpi kay hatun Riqsikuyta chayaykachisqanku rayku. Niykullantaqmi, kayna riqsikuykunawanmi aswan kallpanchakunku astawanraq llamkamunankupaq kay hamuq 5 watakunapi.

Magistradokunapa sutinpi rimariytam ñawparirachin magistrada Luz Pacheco Zerga, riqsikuynintam chayaykachillantaq hinaspapas yuyariykun Arequipa llaqtapi llamkayninkuna qallarisqanta.

Huñunakuymi karurqa 10:30, centro de convenciones del Club del Abogado ukupi, tinkuykanakullarqakutaqmi Arequipa Corte Superior Justicia wasipa umalliqnin Javier Fernández Dávila Mercado, hinallataq político, militar umalliqkunapas.