INTERIOR MINISTERIOTAM KAMARACHINKU DENUNCIASQA RUNAKUNAPA SUTINTA PAKAPANANPAQ

Tribunal Constitucional (TC) Iskay Kaq Salanmanta pacha Interior Ministeriota kamarachin sutikunata pakanankupaq Policía Nacional Del Perú (PNP)  wasipa Criminalística direccionninpi Sistema de Registro de Denuncias –SIDPOL Sistemapi qillqasqa sutikunata.

Y° 02839-2021-PHD/TC expedientepa sentenciapim Iskay kaq Sala niramun S.C.A.Z. sutichasqa llaqtayuqpa “intimidad personal” derechonta usurachisqankumanta, mana legalisasqa drogawan ichapas llamkasqanmanta qatipayninta Ministerio Público archivaruchkaptinña, sutinta riqsirachirqaku Vocati Consulting  empresaman, kayñataq huk llamkana wasikunaman riqsirachillarqataq Ministerio del Interior nichkaptin qatipasqakunapa sutin llaqtapa mana riqsiyninpi kananpaq, nitaq huk mañakuqkunapaqpas.

Chayna karuptinmi, Iskay Kaq Salapi kamarachimunku “qunqanapaq” derechota amachaysinapaq, ñawpa tumpaykunata amaña yuyarichkanapaq Constitucionpa 6 kaq hinallataq 2 kaq aticulunkunapi kasqanman hina. Hinaspapas “qunqanapaq” derechoqa nichkan estado utaq privado runakuna kamachisqa kanankupaq runakunapa sutin yachaypi ama pitapas usuchinapaq.

Chaymi, Interior ministeriota sentencia kamachichkan policiakunapa SIDPOL-PNP ukupi qillqasqa sutikunata pakananpaq, Constitución kamachillaptin sutikunata Policía Nacional qawananpaq, ichapas hukkunaman tumpasqakunapa sutinta riqsirachiptinkuqa llamkapakuq administrativokunapaqmi tumpaykuna chayanqa, penal tumpaykunamanpas chararachinkumanmi.

Kamarachillankutaqmi, kaqllamanta tumpasqapa sutinta qulluchinankupaq hinaspa PNPpa Inspectoría General ukumanta pacha qatipanakunata tukupanapaq.