ISKAY WARMI POLICIAKUNA HUCHACHACHIYTAM QULLURACHINKU DERECHUNKU USUCHISQA KASQANRAYKU

Kawasqata llaqtaman ama riqsichichkanapaq derecho usuchisqa kasqanraykum, Tribunal Constitucional (TC) amparo (Exp N° 01341-2014-PA/TC) mañakuyta uyarqun, iskay warmi policiakunam amparota mañarukurqaku llamkapakusqankupi disciplina nisqa qatipachiyta takyachinankupaq.

Iskaynin warmi policiakunam disciplina qatipaywan kachkarqaku uku pachallanwan fotorukusqankurayku tránsito policia chalekunpiwan Tarapoto, San Martin llaqtapi. Hina hawanmanmi fotokunata Facebook likaman huk runa churarusqa warmi policiakunapa mana yachasqallan, utqayllamanmi chay fotokuna internetpi quñurirun, willakuq wayrawasikunapipas.

Kayta yacharuspankum, Policía Nacional administrativo qatipayta warmi policiakunaman churarurqa llamkayninkumanta urquchinankupaq “millay ruwaykunata qispichisqankurayku policía chalecowan churaykukuspanku” 

Magistradokunam tantyaramunku warmi policiakunapa ruwasqankuqa “Manam huchachu nitaq delituchu” chaynallataqmi llamkayninkupiqa mana pantanankuchu, “wasinkupiqa, masinkuwanpas imayna yuyaymansqankuman hina kawsankuman”.