KUSKANCHANAKUNAPAQ, RIMAYKANAKUNAPAQ UYARINAKUNAPAQWAN TC QAYARIKUN

Tribunal Constitucionalmi, Poder Ejecutivo hinallataq Poder Legislativo nisqakunata qayarichkan kuskanchaykanakuspanku rimaykanakunankupaq, ama usuchinakuspallanku, chaynata ruwaspanku Perú suyupi Estado Constitucional nisqata kallpanchanapaq.

Kay willakuyta riqsichimunankupaqmi qanchis magistradukuna huñuranakurqaku, Kamachikuq Constitución sarunchasqa kapitinmi Tribunal Constitucional wasimantapacha amachachinanku, derecho nisqakunata ama usuchinapaq.

Willakuypi riqsichimusqankuman hinaqa,  Poder Ejecutivo hinallataq Poder Legislativo awqanakuypi kachkanku, ichaqa magistradukunam mañakuchkanku rimaykanakuspanku huñulla llamkanankupaq, COVID19rayku Perú suyupi sasachakuykunata allichachinapaq, hinaspapas democracia nisqata ama usuchispalla Estado Constitucionalta kallpanchanapaq.   

Kay rimariykunatam, allinmi nirunku Marianella Ledesma Narváez (TC umalliq), Augusto Ferrero Costa (Vicepresidente) hinallataq Manuel Miranda Canales, Ernesto Blume Fortini, Carlos Ramos Núñez, José Luis Sardón de Taboada y Eloy Espinosa-Saldaña Barrera magistradukunapas.