LEDESMA: TC CARROKUNATAQA MANARAQMI MUSUQYACHINACHU

Tribunal Constitucional (TC) umalliq Marianella Ledesma Narváez riqsirachimun, Tribunal wasipaq  carrokunata rantipanapaq licitación nisqamanqa manaraqmi qayachinqakuchu.

Presupuesto Ley kamachimusqanmanhinaqa sapa chunka watam TC carronkunata musuqyachinan chunka carrokunata rantipaspa, S/ 109,000 qullqim kachkan sapa carrota rantinapaq. Lliw rantipakunapaqmi presupuesto chaninchasqa kachkan  S/ 654,000.

Ledesma rimarimusqanmanhinaqa, llamkayninmi kallpanchakuchkan qullqita matipanapaq Perú suyu emergenciapi kasqanrayku, chayraykum TC internetnintakama llamkamuchkan; carrrokunapi puriypas manañam qayna hinachu, chaymi kunan pachaqa licitación nisqamanqa manaraq qayachinqakuchu.

Chayhinallataqmi niramun, mana rantipachiyqa Tribunal Constitucionalpi Presupuesto llamkachiytam sasacharunman. Ichaqa, qawasqanmanhinaqa Perú suyupi kay sasa pachakunapiqa allinta yuyaymanaspañam qullqitaqa llamkachina, chaymi carrokunataqa mana rantinqakuraqchu.