LLAQTAYUQTAM SENTENCIAWAN SAYAPARUKUNKU MANA QULLQILLAWAN WILLAKUYTA AYPANAMPAQ

Llaqtayuqkuna willakuykunawan yachananpaq derecho usuchisqa kasqan raykum, Tribunal Constitucional (TC) uyarqun hábeas data mañakuyta, Javier Rodríguez Velarde tumpasqapa contranpi, paymi notaría wasipi 10 solesta llaqtayuqmanta mañarurqa escritura publicata qunanpaq, huk lawkunapi 10 centimusllapi chaninchasqa kachkaptin.

Tumpaqmi kachkan (Exp. Y° 00670-2022-PHD/TC) Brayan Ortega Gonzales, willakuyta aypananpaq derecho usuchisqa kasqan rayku, chaymi mañakuchkan 2017 watapi escritura pública qispichisqanku qillqapata 10 copiata qunankupaq.

TC qallariqnin kaq Sala ukupim niramunku, llaqtayuq willakuyta aypananpaqqa utqaymanmi yanapana ama nisyu qullqita mañaspalla, huk rantipakuna wasikunapi kasqanman hinalla, manapunim llapa qullqiwanqa chaninchachisqachu kanan.

Kay tumpaykunapim mañarqukunku willakuyta aypanapaqpuni ichaqa mana notariokunapaqa Kamachiqnin Ley nisqanman hinachu, kay mañakuykunaqa qawasqa kanan “copia simple” hinallam, manam certificasqa copia hinachu, tumpaqkunaqa nirurqakum certificasqam, nispa.

Kayna kaptinmi, tribunalpi magitradokuna yuyaymanaramunku, willakuyta aypananpaq llaqtayupa derechonmi, usuchisqa karun, nispa.