MAGISTRADOKUNAM HUÑURANAKUNKU EJÉRCITO UKUPI SERVICIO JURÍDICO LLAMKAPAKUQKUNAPA PUNCHAWNIN KASQAN RAYKU

Ejercitopa huñunakuyninmanmi chayaykunku Francisco Morales Saravia, Gustavo Gutiérrez Ticse, Luz Pacheco Zerga hinallataq Cesar Ochoa Cardich magistradokuna, Mariano Melgar historiapi yupaychasqa wiraquchapa punchawninta yupaychanapaq hinallataq Ejército ukupi Servicio Jurídico 45 watanman aypasqanta raymichanapaq.

Kay huñunakuymi karurqa Fuerte Bustamante ukupi, chaypim rimariykunku Eduardo Pacheco Subauste generalpa sutinta, paymi kachkan Luz Pacheco magistradapa taytan, paywanmi Ejército ukupi paqarirqa Servicio Jurídico.

Kay hatun huñunakuypim tinkuykanakurqa Arequipa ejercitopi General Jhonny León Rabanal; Arequipa Corte Superior Justicia wasipa umalliqnin Javier Fernández Dávila Mercado; Mariano Melgar distritopa alcalden Percy Cornejo Barragán, huk llaqta umalliqkunapas.