MARIANELLA LEDESMA, AUGUSTO FERRERO HINALLATAQ JOSÉ LUIS SARDÓN MAGISTRADUKUNAM ARÍ NIRQUNKU SUELDUNKUTA PISIYACHINANKUPAQ

Tribunal Constitucional umalliq Marianella Ledesma Narváez, vicepresidente Augusto Ferrero Costa hinallataq  José Luis Sardón de Taboada magistradukunam, kikillanku arí nirqunku sueldunkuta pisiyachinankupaq, chaywan COVID-19 punchawkunapi ñakariqkunata yanapanankupaq.

Marianella Ledesma TC umalliqmi riqsirqachimullantaq, sueldunpa  pisiyachisqan kaq qullqitas apachinqaku “Médicos Solidarios” sutiwan huñunakuq hampiqkunata yanapanankupaq, chaynatam qillqarqunña Secretario General hina llamkapakuq.  

Peru suyupi Constitución amachaqkunam, runamasinkunata kuyapayaspa kayna tantyaykunata qispichimuchkanku, 063-2020 yupaychasqa Decreto Urgencia (DU) nisqapi kamachisqankuwan chullanpaykanakuspalla, DU kamachiymi kachkan estadupaq llamkapakuqkuna, allin suelduyuq kaqkuna, wañuq qampiqkunapa ayllunkunata qullqiwan yanapanankupaq, sueldunku pisiyachisqanku qipaq qullqiwan.