MARINA DE GUERRA NISQANCHIK WASIM KUTICHINAN CITEN SUTIYUQMAN HARQUSQAN WIKSAYUQ YACHAQTA

Sichusma huk yachaqta o cadete nisqanchikta harqunqaku, hinaptinqa yachachiy chaskinampaq derechonta hinallataq libre wakiq hina yachapakunantam usuchin, chay kamachiy kaptinmi mana allintaqa wiksanta apanmanchu aswanqa qipachin imam munasqanta haypanampaq, yanqapuni harkanakuykuna kaptin, chaynata Tribunal Constitucional (TC) wasi niykamusqa.

Exp. 01594-2020-PA/TC yupaywan amparo hatipayta churaykusqa llaqtamasinchik D.P.F.E hallariynin sutiwan suyunchikpi Marina de Guerra nisqanchikpa kuntrampi, Instituto de Educación Superior Tecnológico Público Naval (CITEN) sutiyuqta, TC kamaykachin harqusqanku wiksayuq yachaqta kaqtawan chaskinampaq.

Wiraqocha Colegiado niykamusqa wiksayuq yachaq warmita harquyqa, manam warmi kasqan rayku usuchiyllachu, ñakarichiyllachu, aswanqa yachanampaq derechoyuq kasqantam halaypaq usuchin,imanasqa, yachaq utaq cadete wiksayukuptinqa manas pipas harkanmanchu nitaq yachanampaq derechontapas usuchinmanchu.

Chaynallataq niykamusqa, manas ima kamachikuypas kanchu yachay wasikuna, hatun yachay wasikuna, pública utaq privadu yachay wasikuna wiksayuq warmita harqunampaqa, manas wiksakusqanqa huchapakuychu nitaq mana allin ruwaychu.