MAYQAN LLAQTAYUQKUNAPAS YAYKUNMANMI VIRTUAL EXPEDIENTEKUNAMAN

Tribunal Constitucional (TC) wasipi proceso nisqakunam internetpiña kachkan asesorkuna llamkapakuqkunapiwan wasinkumantapacha llamkanankupaq, llaqtayuqkunapas maypiña tarikuptinkupas internetllantañam qatipayta atinkuman, tumpaq utaq  tumpasqa runakunapa qipa sutinta churaykuspalla maskaykuyta atinqaku.

Chaynatam riqsiykachimun TC umalliq Marianella Ledesma, Cristian Barzola hinallataq Daniel Neyra willakuqkunawan rimaykuspa “El Buen Samaritano” programapaq Perené televisionpi, chayqa kachkan Junín suyupim, rimarisqanman hinaqa llamkaykunatam musuqyachichkanku COVID-19-manta llamkapakuqkunata amachanapaq hinallataq llamkaykuna ama takyananpaq.

Riqsirachimullantaqmi, 10 waranqa digitalisasqa expedientekunamantam 6 waranqataqa ña qatipayta tukuparunkuña, 4 waranqa puchuqtam julio killakama tukupanqaku Bicentenario watata chaskinankupaq. “TC llamkayninmi kanqa llaqtayuqkunapa yanapakuy mañakusqankunata tukupanankupaq Ley kamachisqanman hina”, nispam rimarirun Ledesma.

Nirullantaqmi, hábeas corpus nisqata llaqtayuq mañakuptinmi, Ley kamachisqanman hinaqa 20 punchawllapi qatipayta tukupanku llaqtayuqman kutichnankupaq. Ichaqa llapa expedientekuna huntaparuptinmi chayna punchawllapiqa mana tukupankuchu.