MINEDU KAMACHISQA KARUN PRIMARIA WARMAPA CERTIFICADONTA RECONOCENANPAQ

Educación derecho nitaq warmakunapa qali wiñaynin ama sarunchasqa kananpaqmi Tribunal Constitucional (TC) kamarachin Educación Ministerio (Minedu) wasita, primer gradomanta tercer gradokama warmapa certificadonta reconocenankupaq, warmatam matriculayta mana munarqakuchu 5 watallanwan primer gradopi chaskirusqanku rayku, norma kamachisqanman hinaqa 31 punchaw marzo killakama 6 watankuman aypaqkunallam matriculachikunkumanqa, yanapakuy mañaq warmaqa 20 punchawniyuq abril killapim suqta watanman chayllaraq ayparurqa.

Sentenciawanmi (Exp. N° 00616-2018-PA/TC), uyarqurqaku Miluska Karina Odar Bejarano mañakusqanta, H. M. T. O warmanpa sutinpi, 2016 watapi “educación básica” kamachiykuna nisqanman hinaqa “Siagie” aplicativowan  matriculapim warmata mana chaskirqakuchu, chay aplicativollawanmi Minedu wasi oficial documentkunata paqarichimun.

Yachay wasipi vacantenta qururqaku 6 watanman manaraq aypachkaptin, ichaqa yachayninkunata  primer gradomanta tercer gradokama mana registrarqakuchu, cuarto gradomanta quintokamalla, kunanñataq primero secundariapiña kachkan.

TC yuyaymanasqanman hinaqa, ministeriopi resolucionkunapa kachamachisqantam mana uyakurqakuchu sullka warmata matriculaspanku, ichaqa nisyu huchachachiyñam yachayninkunata mana reconoceyqa, chaynata huchachachiptinkuqa warmapaq Educación  derechontam usuchichkankuman, yachayninta takyachipanku.