MOTO NITAQ MOTOTAXIPAS LIMA LLAQTAPA VÍA EXPRESA ÑANNINTAQA MANAM PURINKUMANCHU

Municipalidad Metropolitana Lima (MML) llaqtapi llamkachisqanmi hina kaqlla kanqa, huk, iskay utaq kimsa ruedayuqkunaqa manam purinkumanchu vía expresa ñankunapiqa,  runakunapa purinanpaq constitucional derechutaqa manas usuchinchu.

Chaynatam tantiaramun Tribunal Constitucional (TC),  00014-2018-PI/TC) yupaychasqa expedienteta mana uyarqunkuchu, 5 waranqa llaqayuqkunam mañarukurqaku , 2015-MML Ordenanza Municipalpa contranpi, 341-MML Ordenanza Municipalta allichachisqanrayku, chaywanmi qatipakun Lima llaqta ukupi ñankunata.

Sentenciapim nimuchkanku, municipalidadmanta pacham qatipayta atinkuman lliw ñankunapi mayqan karrukuna purinanta, huk, iskay kimsa utaq tawa ruedayuq kaqkunanata, llaqtata purichinankupaq utaq privado kaqkunatapas, Lima llaqtapa ñanllantam qatipaytaqa atinkuman, ichaqa Red Vial Nacional ñankunaqa manañam Lima municipalidadpa makinpiñachu.

Vía expresa ñankunam utqayllamanña riq carrukunata, nisyu llasayniyuqkunata, qipichkan. Iskay ruedayuq motokunamanmi huk ruedatawan yapaykuspanku mototaxita hinaña llamkachichkanku runakunata astanankupaq, metalkunawan pachaykachispanku llamkachichkanku, chaymi vía expresa ñankunamanqa yaykunkumanchu