“Ñam llamkanaña, suyunchikpi awqanakuykunata leykuna qulluchinanpaq”, chaynatam rimariykamun TC umalliq Marianella Ledesma

Marianella Ledesma Narváez, Tribunal Constitucional umalliq rimrisqanman hinaqa “Ñam llamkanaña, suyunchikpi awqanakuykunata leykuna qulluchinanpaq, imaymana kawsayninkunapi runakuna amaña rakinakuchkanankupaq, kuna pachapi coronavirus rikuchimusqanmanhina”, chaynatam rimariykamun TC wasipa 24° watan raymichasqankupa chawpinpi.

Niykamullantaqmi, kunan COVID-19 punchawkunapi wakcha runakuna, yuyaqkuna, mana qullqiyuq kaqkuna aswanraq ñakariypi kasqankumanta, Perú suyupi kayna llakikuna sinchi kallpawan nanachikusqanmantawan.

Rimarisqanman hinaqa, manam tumpayllachu tumpanakunaqa, aswanmi sasachakuykunapi kallpanchakuspa yanapanakuna, Estado nisqapas atiynin kasqanmanhina llaqtakuna tinkunachiypi llamkananpaq, chaynapi utqayllaman yanapanapaq ñakariq runakunata.

TC umalliq kallpanchaykun: “Salud, educación, llamkapakuykunapipas achkaraq ruwana kachkan; chayta yachaspam TC wasipas sentenciakuna qispichisqanpi yanapakamuchkan, Cieza ñañakunapa sasachakuynin allichachisqankuta hina, aswanraq wakcha karu llaqtakunapi educación kananpaqpuni”.

Hina hawanmanmi rimariykullantaq 24° watan raymichasqapi, magistradukuna llamkapakuqkunapiwan wasinkumantapacha llamkassqankumanta, digital nisqa llamkaykunawan constitucional qatipaykunata utqachinankupaq, chaynapi ima llamkaypas chuyanchachisqa kananpaq.

Augusto Ferrero Costa TC wasipa vicepresidentenmi hatun napaykuyta qispirqachin TribunaL Constituccionalpa sutinpi, chaynallataqmi huk minutu upallalla kaykunku, chaywan COVID-19 nisqawan wañuqkunapa sutinta unanchaykunankupaq. Kaypim minkaykanakurqaku Manuel Miranda Canales, Ernesto Blume Fortini, Carlos Ramos Nuñez hinallataq José Luis Sardón de Taboada magistradukunapas.