OSCAR UGARTECHE RENIEC WASIPA CONTRANPI AMPARO MAÑAKUSQANTAM TC MANA UYARQUNCHU

Registro Nacional de Identificación y Estado Civil (RENIEC) wasipa contranpi Oscar Ugarteche Amparo mañakusqantam Tribunal Constitucionalpi yaqa llapallan magistradokuna mana uyankuchu, mañakuyninmi karqa México llaqtayuq qarimasinwan civil kasarakuyninta qillqachinankupaq.

TC umalliq Marianella Ledesma Narváez huñunakuyta qallarirachirqa 9:30 achikay pachata, kay mañakuymantañataqmi rimariykurqa magistrado Carlos Ramos Núñez, paymi mañakurqa qarimasintin civil kasarakuyta magistradokuna arí ninankupaq.

Magistradom rimariyninpi nirun, derecho a la igualdad hinallataq mana discriminasqa kanapaq nisqatam usurachinu, runakuna niraq niraqlla kawsanankuta llaqta ukupi yuyaymanasqankumanhina.

Hina hawanmanmi TC umalliq lliw magistradokunapa rimariyninta ñawparirachin 01739-2018-PA/TC yupaychasqa expedientepi Amparo mañakuymanta.

Rimariyta tukuykuspankum Amparo mana qunankupaq votarunku Augusto Ferrero Costa, Manuel Miranda Canales, Ernesto Blume Fortini hinallataq José Luis Sardón de Taboada magistradokuna, Amparo qunankupaqñataq votaruraku Marianella Ledesma Narváez, Carlos Ramos Núñez y Eloy Espinosa-Saldaña Barrera.