PACHACAMAC MUNICIPIUTA KAMAYKACHINKU CIMINTUMANTA RUWASQA HATUN RUMITA SUCHUCHINANKUPAQ, KAYSI HARKACHKAN KAYPI TIYAQ AYLLUKUNAPA PURINAN ÑANTA

Hawkalla purinanku ñanta purinankupaq, huñunasqa ayllukuna “Parque Industrial de la Comunidad Campesina de Pachacamac” kaqkunapaq Tribunal Constitucional (TC) wasi kamaykachin Pachacamac Municipalidad Distritalta, cimintumanta hatun rumita suchuchinanankupaq chullalla ñan wasinkuman rinata harkaptin.

Exp. 02242-2020-PHC/TC , yupaywan Colegiadokunam sapatakama qispiykachisqa amparo hatipayta, kaytam mañakamusqaku  Jorge Ramírez Taipe hinallataq wakiq llaqtamasimpas,  municipiupa kuntrampi, kay cimintu rumis mana hawkalla purinankuta larganchu, chaysi municipiuta waqyanku mana suchuchiptinku, munasqankuman hina churaruptinku.

Kay hatun rumis mana yaykuchinchu cisterna apamuq yakuta, ambulanciakunata, patrullero utaq bomberokunata, ima emegerencia kaptinqa manas yaykuyta atinmankuchu, ninata amachanapaq utaq unquq runata hampina wasiamn hastanapaq, chaymi “Parque Industrial de la Comunidad Campesina de Pachacamacpi” toyaq runakuna ñakarichkancku, wakiqsi unqunku cancerwan utaq paralisiswan hinaptinmi wasinku punkunkukama carru yaykunan.