PERÚ SUYUPIM UMAYMANACHKANCHIKÑA TUKUYNIRAQ SIMIKUNA, KAWSAYKUNA KASQANMANTA CONSTITUCIONPI KAMACHISQAMANHINA.

Augusto Ferrero Costa magistradom rimariykun “Diálogo Jurisprudencial” huñunakuypi, chaypim riqsiykachimun Perú suyupi tukuyniraq llaqta simikunamanta, cultura nisqakunamantawan., N° 00889-2017-PA/TC expedientewanmi María Antonia Diaz Cáceres de Tinoco Amparo nisqata mañarukurqa, chay qatipaymantawanmi riqsirachimullantaq.

Rimariykusqanmpim yuyariykachimun, Tribunal Constitucional runa simipi rimaqman Amparo qusqanmanta, Carhuaz provincial municipalidadpi llamkapakuqkuna castilla simipi notificación nisqata aparachiptinku runasimipi rimaq warmiman, ambulante hina rantipakuna wasipi llamkayninman. Aswanraqmi amparota qurunku Áncash suyupa Carhuaz provincianpi  yaqa llapan runakuna runasimillapi rimasqankurayku.

Ferrero magistrado riqsiykachimullantaq Perú suyupa constitucionninpim, artículo 48 nisqapi ñawinchakuchkan “aswanraq qapaq atiyniyuq simikunam castellano, hinallataq llaqta ukupi aswanraq runakuna rimasqan simikuna, quechua, aimara huk simikunapas”.

Tribunal Constitucionalmi amparo nisqata qurun runasimipi rimaqman, sapa punchaw quechua simillapi runa masinkunawan rimasqanrayku, umalliqkuna llaqta simipi mana yanapaptinqa discriminacionmi kanman mana riqsiy tukusqanrayku. Chayraykum denunciasqa municipalidadta kamarachimunku, llaqtayuqkunata runasimipiña yanapanankupaq.

Chayhinallataqmi TC kamarachimun Estado de Cosas Inconstitucional nispa llaqta simipi rimaqkunapa derechonkuta umalliqkuna mana kallpanchasqankurayku, chaymi llaqta simikunapiña estadopa wasinkunapipas llaqtayuqkunata yanapananku, Educación ministeriotapas kamarachillankutaqmi Mapa Etnolingüístico nisqata Perú suyupi riqsichinankupaq.