Notas de prensa en Quechua

Lima - marzo 25, 2022

PROTRANSPORTE KAMACHISQA KARUN LLAQTAYUQMAN RIQSICHINANPAQ CARRO UKUPI ÑITIÑI AMA KANANKUPAQ

Llaqtaman willakuykunata qunapaq derecho usuchisqa kasqanraykum, Tribunal Constitucional (TC) kamarachin Lima Municipalidadpa Instituto Metropolitano Protransporte wasita huk llaqtayuqman willakunanpaq imayna tantyasqankuta Metropolitano carrokunapi runakuna ñitiñiti ama rinankupaq.

Chaynatam nichkan  02739-2019-PHD/TC hábeas data expediente, kaytam mañarukurqa Hugo Camacho Araya, Protransporte  wasimantapacha willakuyta mana qusqankurayku.

Magistradokuna yuyaymanasqankuman hinaqa, willakuykuna mañakusqankuqa kanmanmi “Metropolitano carro ukukunapi runakuna ñitillaña ama rinankupaq” chayna kachkaspaqa llaqta willakuyta mañakuptinqa chay willakuyqa kananñam.

TC yuyarirun Perú suyupa Política consttucionninpi, iskay kaq articulopa 5 kaq enciso nisqapi kamachichkanku “imaymana willakuytapas llaqtayuqkuna mañakunkuman estado wasikunamanta plazo kasqanmanhina, chanin kasqanmanhina”.