QALLARIQ KAQ HINALLATAQ ISKAY KAQ SALAKUNAM AUDIENCIATA RUWACHINQAKU

Tribunal Constitucionalpa Iskay kaq hinallataq Qallariq kaq salankunam audienciata internetnintakama ruwachinqaku miércoles 3 hinallataq viernes 5 punchawniyuq agosto killa, chaypim qatipanqaku achka llaqtakunamanta apachimusqanku 80 constitucional mañakuykunata.

Iskay kaq Salapim huñunakuchkanku Gustavo Gutiérrez Ticse, umalliqnin, Francisco Morales Saravia hinallataq Helder Domínguez Haro magistradokuna. Audienciam kanqa miércoles 3 punchawniyuq agosto killa 10:15 achikyayta, chaypim qatipanqaku 40 constitucional mañakuykunata.

Qallariq kaq salapiñataqmi huñunakunku Manuel Monteagudo Valdez, umalliqnin, Luz Pacheco Zerga hinallataq Cesar Ochoa Cardich magistradokunapiwan. Audienciam kanqa viernes 5 punchawniyuq agosto killa. 9 pacha achikaymi qallarinqa 40 constitucional mañakuykunata qatipanapaq.

Tumpaq hinallataq tumpasqakunapa abogadonkunam rimarinankupaqqa mañakunanku mesa de partes nisqantakama, ventanilla jurisdiccional hinallataq administrativantapas página webman yaykuykuspa, chaynintam saqitamunanku correo electroniconta, celularninpa yupaynintawan. Iskaynin audienciakunam internetnintakama kanqa.

Qaway munaqkunam audienciata qatipaykunkuman “Tribunal Constitucional TV” hinaspapas redes sociales nisqanta.