QALLARIQ KAQ SALA AUDIENCIA RUWACHISQANPIM 30 MAÑAKUYKUNATA VOTANAPAQ SAQIRUNKU

Tribunal Constitucional (TC) wasipa qallariqin kaq salam audienciata internetnintakama qispirachin, votanallapaqñam saqiratamun 30 Constitucional mañakuykunata.

Y° 01290-2021-PA/TC yupaychasqa expedientewanmi audiencia qallarirun, “renta vitalicia” mañakuywan, neumoconiosis hinallataq  hipoacusia neurosensorial unquywan unquq wañunankama rentata chaskinanpaq, kayttam mañarqukun Fabio Andia Flores, Rímac Seguros hinallataq Reaseguros empresapa contranpi.

Amachaq hinallataq tumpaq abogadokunapa rimariyninta uyariykuspankum magistradokuna tapupaykunku, Manuel Monteagudo Valdez (umalliq), Luz Pacheco Zerga hinallataq César Ochoa Cardich magistradokuna, tapupayninkunawan constitucional mañakuykunata allinta yuyaymananankupaq.

Votanallapaqñam saqiratamunku 14 amparo mañakuykunata, 02 cumplimento mañakuykunata, hinaspapas 14 habeas corpus mañakuykunata, Cañete, Cusco, Huaura, Ica, Junín, Lambayeque, Lima, Lima Sur, Piura, Puno, San Martín hinallataq Santa llaqtakunamanta apachimusqakuta.

Amachakuykunatam mañakuchkanku Oficina de Normalización Previsional (ONP) wasipamanta, Defensa hinaspapas Cultura ministeriokunapamanta, Piurapa Educación Dirección regionalpa contranpi, Sunatmanta, “Real Club de Lima” Asociación Civilmanta,  Miguel Castro Castro hinaspapas Lampa carcelkunapamanta, provicial hinallataq distrital municipalidadkunapamanta hinaspapas Poder Judicialpa juzgadonkunapamanta, salankunapamantawan.