QALLARIY KAQ AUDIENCIA VIRTUAL NISQAPIM TC CHUNKA HABEAS CORPUS MAÑAKUYKUNATA VOTANALLAPAQÑA SAQIRUN

Manam haykaqpas kaynaqa karqachu, Tribunal Constitucional (TC) kunan punchaw llaqtawan rimanakuyta internet nisqallanta qispirqachin Audiencia Virtual sutiwan, chaypim Habeas Corpus sutiwan chunka mañakuykunata vutanallapaqña saqirunku; hábeas corpus mañakuykunam kachakan Arequipa, Ayacucho, Cusco, Lima, Puno hinallataq Tumbes suyukunamanta.

TC Constitucional presidenta Marianella Ledesma Narváez willakusqanman hinaqa, virtual rimanakuykunawan maskachkanku llaqtapa mañakuyninkuna uyariyta, COVID19 punchawkunapi kachkaspapas llaqtayuqkunapa derechunkunataqa amachanapunis. .

9:45 achikyay pachamantam llaqtawan virtual rimanakuy qallarirqurqa, qallarillanpim 00311-2020-HC/TC yupaychasqa expedientemanta rimariykunku, Edwin Uldarico Rojas Mamani hábeas corpus nisqata mañakuchkan, Arequipa llaqtapa Corte Superior Justicia wasinpa contranpi, “Sala de Apelaciones Transitoria Especializada de Extinción de Dominio con Función Liquidadora” sutiyuq kaq justicia wasi ukupaq.

TC umalliqmi nirqullantaq, paqarin jueves punchaw tawa kaq Pleno Virtual huñunakuypi kay chunka mañakuykunamanta rimarinqaku, internet likallantaña ima mañakuykunatapas utqachinankupaq, chaynallataq Justicia musuq llamkaykunatapas, kay pachapi imakuna kasqanmanhina, kallpanchanapaq.

Kay qallariy virtual rimanakuykunatam qispirqachinku Google Hangouts Meet, sutiyuq likantakama, chaynintakaman huk llaqtakunamantapacha abogadukunapas rimairykunku, chaynallataqmi magistradukunapas tapuriykunku hábeas corpus mañakuykunamanta.

Magistradukunam kay mañakuykunata votanallapaqña saqirqunku: N° 00322-2020-HC (Cusco), N° 00656-2020-HC (Arequipa), N° 00751-2020-HC (Ayacucho), N° 01041-2020-HC (Arequipa), N° 01042-2020-HC (Cusco), N° 01089-2020-HC (Lima Norte), N° 01097-2020-HC (Tumbes), N° 01103-2020-HC (Puno), N° 01122-2020-HC (Lima).

Llaqtawan virtual rimanakuytam wasinkumantapacha magistradukuna qispirachinku, Marianella Ledesma Narváez (Presidenta), Augusto Ferrero Costa (Vicepresidente), Manuel Miranda Canales, Ernesto Blume Fortini, Carlos Ramos Núñez, José Luis Sardón de Taboada hinallataq Eloy Espinosa-Saldaña Barrera magistradukuna.