QISPIRQACHIMUNKUM QUNQAYPI QIPANANPAQ DERECHOTA HINALLATAQ JURISPRUDENCIATA WILLAKUQKUNAPA ALLINNINPAQ

Tribunal Constitucional (TC) uyarqun hábeas data mañakuyta. Miguel Arévalo Ramírez kay amachakuyta mañarqukurqa achka willakuq wasikunapa contrampi, google empresapa contrampiwan, narcotráfico uchamanta tumpasqa kachkaptin qatipayninkunata chiqirirachisqanku rayku, paymi mañakuchkan Willakuykuna qunqaypiña qipananpaq derechota.

Denunciaqmi mañakuchkan willakuq wasikuna hinallataq google sutinta chinkachinankupaq, willakuqkunam huk suyukunaman riqsirqachinku narcotraficanteta hina, ichaqa documentonkunatam mana qawachinchu yanqamanta qatipaykuna kasqanmantaqa.

TC qallariqnin kaq salapim sentenciata qispirachimunku (Exp. Yº 03041-2021-PHD/TC) kaynata nispa: amachakuy mañakuqpa qatipayninkunatam willakuq wasikunapi llamkapakuqkuna ruwarqurqaku Ministerio Público, Policía Nacional hinallataq DEA wasikunapi qatipasqankuman hina, testigokunapa rimariyninwan, fotokunawan, taqisqa willakukunawan, huk yupikunawanpas.

Niramullankutaqmi, ichapas narcotráfico utaq terrorismo qatipaypi kaq runakunamanta willakuykunaqa lliw runakunapa riqsiyninpim kanan, hinaspapas runakunapa riqsinan derecho ukupim qillqasqa kachkan.

Qunqaypi qipanapaq derechomantañataqmi, TC niramun kay derecho kanmanmi, chaymantapas harkayniyuqkunapas kallanmantaqmi huk constitucional derechokunawan ama usuchinakunankupaq, chay raykum usuchinakuymanqa mana yaykunmanchu runakunapa willakuy aypanankupaq utaq willakuyta chiqirichinankupaq derechowanqa, Constitución kamachiypa iskay kaq artículo qillqanpa 4 kaw inciso ukupi qillqaqa kasqanman hina.