RÓMULO LEÓN AMA HUCHACHACHISQA KANANPAQ CORTE SUPREMA TANTIYASQANTAM TC QULLURACHIN

Tribunal Constitucional (TC) kamarachimun  Corte Suprema Justicia tantiyasqanta qulluchinapaq, Jostein Kar Kjerstad empresayuq Rómulo León Alegría, hinallataq Petroaudio nisqapi huk qatipasqakunapas ama huchachachisqa kananpaq tantiyasqankuta.

Magistradokunam ari nirunku Justicia hinallataq Derechos Humanos ministeriopi corrupción delitokuna qatipaq Procuraduría Pública wasi ukupa mañakusqanta, judicial resolucionkuna qispichinapaq yuyaymanaykunata usuchisqanku rayku.

TC yuyaymanasqanman hinaqa Corte Suprema wasim mana chaninchanmanchu karqa corrupción qatipaq Procuraduría wasipa willakusqanta, manaña chaskina punchawpi documentokuna chaskisqurqanku rayku, chayna kaptinmi kamarqachinku CD, DVD hinallataq correo electrónico chaskisqanku qullusqa kananpaq.

Sentenciapim nimuchkanku Corte Suprema wasipa Sala Penal Permanente wasin uku chaymanta willakunan karqa, mana chayna kaptinmi kamarqachin musuq resolucionta qispichinankupaq.

Chayna kananpaqmi votarurqaku TC umalliq Marianella Ledesma Narváez, Augusto Ferrero Costa, Manuel Miranda Canales, Carlos Ramos Núñez hinallataq Eloy Espinosa-Saldaña Barrera magistradokuna. Contrapiñataqmi votarurqa magistrado José Luis Sardón de Taboada. Ernesto Blume Fortini magistradoqa manam huñunakurqachu audiencia punchaw mana kananpaq lincencia mañakusqan rayku.