SEGUNDA SALA, QALLARIYNIN AUDIENCIATA INTERNETNINTAKAMA RUWARUN

Tribunal Constitucionalpa Segunda Sala wasi ukunpim qallariynin kaq audienciata internetnintakama ruwarunku, abodadokuna rimarisqanpa qipallantam 10 constitucional qatipaykunata votanallapaqña saqirunku.

Audienciam qallarirqurqa 9:30 ap. Augusto Ferrero Costa magistradupa umalliyninwan, chaymanmi chayaykullarqakutaq Ernesto Blume Fortini hinallataq José Luis Sardón de Taboada magistradukuna.

Segunda sala nisqapi huñunakuq magistradukunam internetnintakama wasinkumantapacha tinkuykanakamunku, Google Hangouts Meet sutiyuq internet likanta. Hinallataqmi abogadukunapas huñuykanakunku, tumpaq hinallataq tumpasqa amachaqkunapas.

19 amparo mañakuykunam  votanallapaqña qiparunku hinallataq huk  proceso de cumplimiento nisqa, Ayacucho Junín, Lima llaqtakunamanta.