SUNAT WASIPA CONTRANPI TELEFÓNICA AMPARO MAÑAKUSQANTAM TC UYARQUN

Tribunal Constitucional (TC) uyarqun Amparo mañakuyta, Telefónica del Perú empresa mañarukurqa Superintendencia Nacional de Aduanas y Administración Tributaria (Sunat) wasipa contranpi, mora cobrasqan intereskunata ama cobrananpaq.

00225-2017-PA/TC yupayniyuq expedientepa sentenciantam página web nisqapi riqsirachikun, chaypim ñawinchakuchkan pikuna votasqankuta, sayapakuspankum votarunku Augusto Ferrero Costa, Ernesto Blume Fortini, Carlos Ramos Núñez, José Luis Sardón de Taboada hinallataq Eloy Espinosa-Saldaña Barrera magistradokuna, contrapiñataqmi votarunku TC umalliq Marianella Ledesma Narváez hinallataq magistrado Manuel Miranda Canales

Votacionwan sayapakuq magistradokuna  yuyaymanasqankuman hinaqa,  plazo qusqankutam usurachinku chaymi Sunat wasita kamarachinku mora intereskunata chullanpachinankupaq, intereskunata amaña cobraspanku, legal plazo nisqa llumpariqkunamanta amaña cobranapaq, hinallataq qatipaykunapi pagasqankuta sayachipunankupaq.

Contrapi votaqkunañataqmi Ledesma Narváez hinallataq Miranda Canales magistradokuna, paykunam niramunku Telefónica amachakuy mañakusqanqa manas allinchu, huk ñannintas chay mañakuytaqa puririchina, chay puririchiypim rimanankuraq empresapa capital ruwananmantapuni hinaspapas ley kamachisqanman hina intereskunamanta.

Telefónica abogado rimarisqanman hinaqa, tributario pagananqa chaninchasqa kachkan 729 millon soles qullqipi.