TANTYARQAMUNKUM HUK SUYU LLAQTAYUQKUNATA YAYKUCHIMUNAPAQ UTAQ QARQUNAPAQ

Tribunal Constitucional (TC) Pleno huñunakuyninpi, Y°00688-2020-PHC/TC expedienteta qatipaspam tantyarqamun, Venezuela llaqtayuqkuna utaq huk suyumanta yaykumuqkunapas qatipasqa kanankupaq, ichapas ñakariypi kaqkuna (warmakuna, wayna sipaskuna, yuyaqkuna, unquqkuna, trata de personas nisqawan kaqkuna utaq abuso sexual nisqawan kaqkunapas), qatipasqam kanqaku 1350 Decreto Legislativopa 11 articulon nisqanman hina, Migraciones Leypi.

Sentenciapim umalliqkunata kamachimuchkanku, huk llaqtayuqkunata ama yaykuchimuchkanankupaq nitaq qarquchkanankupaqpas ichapas allin kawsaynin sarunchasqa kaptin,  utaq wañuy patapi kaptin, imaymana religionniyuq, llaqtayuq, kawsayniyuq utaq politicapi iñiynin kaptinpas.

Chayhinallataqmi, qatipaykunata allinta qispichimunanku, huk llaqtayuqkunapa imayna kawsaynin kasqantapas autoridadkunaman  riqsichinankupaq. Kay kamachiywanmi, achkanpiqa runakunataqa qarquchkanankuchu, nitaq llullakuchkanapaschu, allin kawsayta tarinankupaq yanqa rimaykunawanqa.

Chayna kaptinmi, audotirdadkunapa yuyaymanamusqankuta Tribunal Constitucional uyarqamun, kamachiyninku maykama chayasqanman hina “visa” nisqata huk llaqtayuqkunamanta mañanaspanku Perú suyuman yaykuchimunankupaq, ichapas “Calidad migratoria humanitaria” qatipaywan kasqanku raykulla.

Kayna kaptinmi uyarqunku, Coordinadora Nacional de Derechos Humanos hukkunpiwan mañakusqankuta Superintendencia Nacional de Migraciones wasipa contranpi, mañakuypim karqa Venezuela llaqtayuqkunata hinallataq huk llaqtayuqkunatapas yaykuchimunankupaq “razones humanitarias” nisqawan ñakariypi kaptinkuqa.  Ichaqa manam uyankuchu huk llaqtayuqkunata yaykuchimunankutaqa ichapas Visa “calidad humanitaria” nisqawan mana kaptinqa.