TC CHASKIRUN OEA WASIPA LLAMKAPAKUQNINKUNATA ELECCIÓN PUNCHAWMANTA RIMARIYKUNANKUPAQ

Tribunal Constitucional (TC) chaskirun Organización Estados Americanos (OEA) wasipaq llamkapakuqkunata, paykunam chayllaraq Perú suyuman chayaykamunku elección punchawpaq llamkaykunata qatipanankupaq, kay hamuq 11 punchaw abril killapi musuq kamachiqkunata Perú suyupi akllanapaq.

OEA wasipa sutinpi llakaqkunatam Perú suyupi umallichkan Rubén Darío Ramírez Lezcano, payqa karqa ñawpa pachapi Paraguay suyupa cancillernin, kay huñupim kallachkankutaq Francisco Javier Puchi Zurita hinallataq Alejandro Canton Santiago.

Rimanakuymi karun San Isidro llaqtapi Tribunal Constitucionalpa huknin kaq wasinpi,  kaypim karurqaku kamachiq Marianella Ledesma Narváez hinallataq Augusto Ferrero Costa, José Luis Sardón de Taboada magistradokunapas. Internetnintañataqmi huñuykanakullarqakutaq Manuel Miranda Canales chaymantapas Ernesto Blume Fortini magistradokuna.

OEA wasipa sutinpi rimariqkunatam magistradokuna napaykunku, hinaspa elección punchawpaq llamkaykunamanta hamutasqankuman hina riqsiykachinku, chayhinallataq Perú suyupa política sasachakuyninkunamantapas riqsiykachillankutaq.