TC ÑAWPARICHINQA LLAQTAYUQKUNATA LLAQTA SIMINKUPI YANAPANAPAQ, NIRAMUN UMALLIQ MARIANELLA LEDESMA

Tribunal Constitucional TC) umalliq Marianella Ledesma Narváez rimarirun, llamkayninpi kallpanchanankupaq yanapakuy mañaq llaqtayuqkunata, “Warmi hinallataq Bicentenario” sutiyuq hatun rmanakuytapas ñawparichnqa, hina hawanmanpas Diaz Cáceres sentenciata qatipachinqapunitaq llqta simikuna aswanraq kallpanchasqa kanankupaq, chayhinallataqmi Instituto Nacional penitenciario (INPE) wasiwanpaq llamkanqaku wichqasqa runakuna proceso nisqakunata internetninta ñawinchanankupaq. Kaykunamantam rimariykamun Jurisdiccional Constitucional 2021 watapi llamkaykunata qalariykachispa.

2021 watapi llamkaykunata qallariykachispanmi TC umalliq nirun, llamkayninpim kallpanchaqa Tribunal constitucionalta llaqtaman asuykachinanpaq, yanapakuy mañakuq llaqtayuqkunam aswanraq allin yanapasqa kanqaku.

Warmi hinallataq Bicentenario

Niramullantami, TC wasimantam ñawparichimunqku “Warmi hinallataq Bicetenario” hatun rimanakuyta, chaypim qapaq atiyniyuq warmikuna tnkunakunqaku hinaspa riqsichimunqaku kunan pachakama

Llaqta simipi llaqtayuqkunata yanapay

Niramullantaqmi, Estado wasikunapi llamkapakuqkunam llaqta simipi rimaqkunata mama siminpi yanapananku, quechua, aymara utaq huk llaqta simikunapipas llaqtanku ukupi qapaq atiyniyuq kaq simikunapi, Constitución Politica chaynata kamachimuchkan 48 yupaychasqa artículo nisqapi, chayraykum Estado amachanan imaymana kaq simikunata, kawsaykunatapas.

Wichqasqakuna Proceso nisqata qatipayta atinqaku

Ledesma riqsirachimullantaq, Instituto Nacional Penitenciario (INPE) wasiwan llamkaypi tinkunakuspankum rimanakuykunata cárcel wasikunapi kallpanchanqaku, wichqasqa runakuna kikinkupa proceso nisqakunata qatipanankupaq hinallataq expedientenkunatapas internetnintakama ñawinchanankupaq Tribunal Constitucionalpa página web nisqanpi.

Tukupasqa llamkaykuna

Ledesma niramun,  coronavirusrayku sasa kawsay kachkaptinpas, TC llamkayninkunata ñawparirachinpuni, lliw expedientekunatam internetman siqarachinku. Hinaspapas, sapa wata llamkaynintam tukuparunku lliw resolución nisqakunata qispirachispanku.

Niramullantaqmi, kay llamkaykunatam tukuparunku magistradokunapa kallpanchakuyninwan hinaspapas llamkapakuqkunapa atiyninwan, wasinkumantapacham  llamkapaykamunku, “kay kallpanchakuykunatam anchata riqsirikun, taqllarikuni ima, hinaspaymi nimuni kay Julio killamanmi chayasaqku kay watpaq llamkaykunata tukupaspaña, chaynapi mana ruwanakunawanña Tribunal constitucionalpi Bicentenario watata chaskinaykupaq. Chay ruwaywanmi llaqtata riqsirikusaqku” nispam niramun.

Lima, 05 enero 2021