TC PLENO HUÑUNAKUQKUNATAM AREQUIPA UMALLIQKUNAMAN RIQSIRACHINKU

Tribunal Constitucional (TC) Pleno ukupi huñunakuqkunata riqsirqachin político, legislativo, militar, judicial, diplomático, académico ruwaqkunapa umalliqninkunaman Arequipa llaqtapi.

Llaqtamanmi riqsirqachinku Francisco Morales Saravia vicepresidenteta, Gustavo Gutiérrez Ticse, Helder Domínguez Haro, Luz Imelda Pacheco Zerga, Manuel Monteagudo Valdez hinallataq César Ochoa Cardich magistradokunatawan.

Hatun kaq rimanakuytam ñawparirqachin TC vicepresidente Francisco Morales Saravia,  rimariyninmpim nirqamun ancha sasachakuy kasqan raykum TC umalliq Augusto Ferrero Costa mana riyta atinchu, ichaqa kikin presidente Ferrero kamachisqanman hinam jurisdiccional llamkaykuna hinallataq audienciakuna puririchkan Arequipa llaqtapi.

Niykamullantaqmi, TC umalliqpa kamachiyninpim kachkan, kay killamanta pacha, Arequipapi kanqaku órganico qatipaykunata qatipaspa  hinallataq tutela kananpaqpuni, Sur – Uray kaq llaqtayuqkunapa derechonkuta amachaysinankupaq.

Morales riqsiykachimun magistradokunata imayna akllasqankuta Tribunal de Garantías Constitucionales hinallataq Tribunal Constitucional ukupi, willakusqanman hinaqa llallinakuymi ancha sasa karurqa hinaspapas llaqtapa riqsisqallan, suqta magistradokunata akllarqunku, kunan pacha Tribunal constitucionalpi kaqkunata. Congresopa makinpim karqa musuq magistradokuna akllay, hamuq watakunapas chayna kanantam suyallachkantaq.

Munayninpim kachkan, kay hamuq pichqa watakunapi Perú uku sullka suyukunata watukanankupaq Constitucional justiciata chayachispa, kayna ruwaykunaqa manaraqmi kanchu.

Nirullantaqmi, magitrado hina akllasqa kasqankumanta pacham sapa punchaw audienciakunata ruwaykunku kikin tribunalpi utaq internetnintakama, jurisdiccional Pleno huñunakuykunapi utaq tupanachisqa Qallariq kaq hinallataq Iskay kaq sala ukukunapi, sapakama salatam umallichkanku Manuel Monteagudo hinallataq Gustavo Gutiérrez magistradokuna.

“Sunitam llamkaykamuchkaniku magistrado hina akllasqa kasqaykumanta pacha, munayniykupim kachkan lliw Perú llaqtayuqkunaman Costitución aypananpaq derechokunata amachaysispa”, chaynatam rimariykun TC wasipa vicepresidenten.