TC QISPICHISQAN PPROGRAMAKUNAM KANQA YACHAYWASIKUNAPI YACHACHINAPAQ

Castilla hinallataq runasimipi qispichisqa programakuna: “Constitucionniymantam wasillaypi yachani” hinallataq  “Muyuchiy, yachay hinaspa riqsichiy” programakunam kanqa yachaqkunapa yachachiqkunapawan makillanpi, chaynata riqsirachimun Tribunal Constitucional (TC) umalliq Marianella Ledesma.

TC umalliqmi kay tantiyaman chayarqun Ricardo Cuenca Pareja Educación Ministrowan virtual huñunakusqankupa qipallanta, huñunakuypim kallarqakutaq Gestión Pedagógica viceministra Killa Miranda Troncos; Educación Ministerio (MINEDU) asesorkunapa umalliqnin Jéssica Reátegui Veliz hinaspapas iskaynin wasikunapa asesorninkuna.

Tribunal constitucionalmi Educación ministeriopa makinman churachkan lliw qispisqa programakunata, castilla hinallataq runasimipi kaqkunata: Wasillaypim constitucionninymanta yachani chayhinallataq Muyuchiy, Yachay hinaspa Riqsichiy kaqtawan.

Huñunakusqankupim Educación Ministro Ricardo Cuenca nirun, kay microprogramakunam allin yanapakuy kanqa, Peru Educa internet linkantakama chiqirichinankupaq chaynapi yachachiqkuna yachachinankupaq. Gestión Pedagógica viceministrapas nirullantaqmi participación ciudadana yachaykunapi secundaria warmakuna yachapanankupaq.