TC UMALLIQ CONGRESO WASIPI RIQSIYKACHIMUSQA 2022 WATAPAQ QULLQI CHANINCHANANTA

Tribunal Constitucional (TC) Marianella Ledesma Narváez, Congreso de la República wasipi Pleno ukuntakama, riqsiykachimusqa hayka qullqitataq hamuq wata 2022 chaninchachkanqa chaysi haypaqchkanman 42,312,996 soles.

TC umalliq willakaykamusqa Parlamento wasi Pleno ukuntakama audiencias digitales nisqata ruwasqaku hinallataqsi musuq llamkana wasi hina karichkan llapa expedientekunata 100 % digitalman churasqaku.

Llaqtarunapa atiyninman churaykunku musuq digital canalkunata expedientes nisqakunata hawanankupaq  pi runapas, TC ventanilla virtual ukuntama.

Niykamullasqataq política inclusiva ukumpis, chuya llamkana hinallataq hayllas runakunapa willakuy yachana riqsirisqa kachkan hinaptinsi raymichaykuchkanku digital canal “Tribunal Constitucional TV” nisqata, chaynapi willanapaq hinaspa allinta takyachinampaq.

Willakaykamullasqataq chaypaqsi kay wakichiykunata urqumunku “Tus Derechos”, “Constitución para Todos”, “Réplica y dúplica” hinallataq “Rikchariy Warmi” wakichiykunata. Chaynallataq kay programa “321 acción” wayna sipaskunapaq, “Ciudadanos del Futuro” sipas maqtachakunapaq hinallataq “TC te cuenta” irqichakunapaq, hayllas walichiykuna karichkan.