TC WASI HARKAN DERECHO KACHARISQA PURINANCHIKPAQ KASQANTA HINASPAM MIGRACIONES WASITA KAMACHIN CHINA SUYUYUQ RUNATA AMA HARQUNAMPAQ

Superintendencia Nacional de Migraciones wasi mana chanin llamkayta apatinmi, Tribunal Constitucional (TC) wasi, kamaykachisqa Wang Guo China suyuyuq runata ama harqunampaq, astawan hinaraq yachakuchun imaynatataq Perú suyuyuq runaña kanman wiñaypaq. Chaynallataq kamaykachisqa musuq acto administrativo nisqata hurqumunankupaq chaypi imayna suyunchikpi tiyasqanta yachanapaq.

Sentencia 718/2021 yupaypim, China suyuyuq runa mañakusqa Perú suyunchikpi wiñaypaq tiyananta, astawanqa manam nispa kutichisqaku, peruana warmiwan kasarasqa kachkaptimpas hinallataq iskay warmallaraq churiyuq kachkaptimpas. Kay punimantam, Migraciones niykamusqa manam chuya punkuntachu Perú suyunchikman yaykumurqa nispa.

Colegiado niykamusqa, kacharisqa ñankunapi purinapaqa kachkansi derecho waqaychakuq, chaysi hábeas corpus ukuntakama maskachkanku kay suyuyuq utaq hawa suyuyuq runa kaypi tiyaq kacharisqa purikunampaq mana pipa harkasqan llapa suyunchik ukupi.