TC WASI HATIPASQA CARCEL QINCHASQA WASITA PIRQANKUNAPAS TUNIYPATALLAPIÑA TARIKUSQAN RAYKU HINALLATAQ SENTECIATA QISPIYKACHISQA CARCELKUNA QUNTAY QUNTAY KICHKIPASQA KAPTIN

Tribunal Constitucional Pleno hatipaykusqa sentencia qispichisqanta carcel wasikuna quntay quntay kaptin hinallataq pirqankunapas tuniypatallapiña tarikuptin, tiksi suyunchikpi muchuyllapiña tarikusqanrayku(Exp. N° 05436-2014-PHC).

Kay iskay pata llamkaypiñataq,  tribunal qispiykachisqa habeas corpus hatipayta  C.C.B. hallariynin sutiyuq runa churasqanmahina, paysi kiqakusqa  qala pampapi puñusqanmanta hinallataq Tacna carcelpi mana hampiqkuna medicinata quptin. Chaynalallataq niykunsi  estado de cosas inconstitucional kasqanta hinaspa hayachin  kamachiq wasikunata Ministerio de Justicia y Derechos Humanos y del Instituto Nacional Penitenciario (INPE) llamkanankupaq.

Audiencia pachapim tarikusqa, Eduardo Vega Luna, ministro de Justicia umalliq, paymi willakamun 25 punchaw septiembre killata 2020 watapi, politica penitenciaria nisqata lluksiykachimusqaku kay kamachikuykunawan carcel wasikunapi quntay quntay kasqankuta pisichinankupaq, chaynallataqsi qispiykachisqaku plan estratégico multisectorial llamkanata hinaspas llamkanankupaq rakiykanakusqaku.

Niykamusqallataq kallpanchakuchkankus imaymanata ruwaspa carcelpi chipusqa runakuna pisillanampaq.

Instituto Nacional Penitenciario (INPE) umalliq willakamun kunankamas llapallan carcelpi tiyaqkuna kanku 86,825 runakuna, 69 carcelkunapi peru suyunchikpi, chaysi 111% quntay quntayña kachkanku. chaynallataq niykamusqa 3 punchaw agosto killatas 2015 watapi, C.C.B sutiyuq runata Tacna carcelmanta Chincha carcelman aparusqaku quntay quntay tiyasqanku rayku.

Chaynata ruwaruptinkupas, kay runaqa venganza raykum aparuwan nispa rimasqa, denunciata churaruptiymi, manan allinta waqaychasqa kasqay rayku hinallataq carcelpi huk qiwi llamkaykunamantapas kiqakusqas, kay runas mañakuchkan Tacna penalman kutinampaq, chay lalqtampis ayllun tiyan.