TC WASIPA QUECHUA SIMIPI PÁGINA WEB NISQANMI ÑAWPARICHKAN LLAQTA SIMIKUNA TINKUNAKUNANKUPAQ

Tribunal Constitucional (TC) wasipa, runasimipi tiyachisqa página web nisqam, llaqta simikunapi rimaqkunata kallpanchachichkan, runakunapa mama siminkupi ima mañakuyninkunatapas chanichachispa, chaynatam rimariykun Marianella Ledesma Narvaez TC umalliq, quechua simipi internet likata paqarichisqa punchawpi.

Magistradam rimariykullantaq: “TC internet likanpim willakuykuna kachkan, video nisqakuna hinallataq denuncia churaqkunatapas quechcua simipi yachachichkayku. Tawa millun asninraq runasimipi rimaqkunatam TC wasiwan tinkunachichkayku”, nispa.

Riqsiykachimullantaqmi, inclusión sutiwan tinkunachiyqa, justicia apaysi unaunay watakunamantaraq karunchasqa, qunqasqa kaq llaqtakunaman La inclusión -acotó Ledesma- implica llevar la justicia constitucional a las poblaciones históricamente más olvidadas. “Kaymanta umaymanaspaykum sapakutilla llamkamuchkayku”, nispam nirqamullantaq.

Hina hawanmanpas willarqakamullantaqmi, hamuq pachakunapipas huk llaqta simikunapiwansi internet likakunata tiyachimunqaku, aymara hinallataq ashaninka simikunapihina. Magistradukunapa llamkayninkunapas internet likallapiñas ñawparinqa, lliw tiqsimuyupi COVID19 sasachakuykuna kasqan rayku.

Tribunal Constitucional wasipa vicepresidenten Augusto Ferrero Costa rimarisqanman hinaqa, llaqta simipi llamkaykuna qispichimusqankuqa Perú llaqtayuqkunapa derechunkuna kallpanchachiyllas.

“Kunan punchaw, mamasimipi paqarichisqayku likam huñunachiwachkanchik Perú suyupa sutinpi ñawparinanchikpaq, Peru suyupi llaqta siminkunata chaninchachispa, derecho lingüístico nisqakunatapas amachanapaq”, chaynatam yuyariykamun.

Meet Hangout sutyuq internet likapim minkaykakamullarqataq Myriam Yataco, educación cultural bilingüe hinallataq sociolingüista nisqapi hatun yachayniyuqkuna, rimariyninpim nirqurqa: “allinpunim internet likapi quechua simipiña qillqakuna kasqanqa, rimariykunapas”.

Chaynallataqmi tinkuykakamurqa Roxana Quispe Collantes, doctorado nisqata aypananpaqmi runasimipi tesis nisqata qillqarurqa, paypas nillantaqmi, estadopaq llamkapakuqkunapas quechua simipis llaqtayuqkunataqa yanapananku: “Runasimipi riqakunaqa ñakariykum simiykupi mana yanapawaptinku. Chayraykum simillaykupi yanapawaptinkuqa kusapuni kanman”, nispanmi kallpanchaykun.

Quechua simiqa hatun atiyniyuqmi, hatuhatun andino llaqtapa mama siminmi, chaynatam rimariykun Zenón Depaz, tukuyniraq kawsaykunapanta qatipaq, hatunyachaywasipipas yahachiq; Óscar Catacora, ayamara simipi cine ruwaqñataqmi TC wasita napaykun, originario llaqtakunapa derechonkunata kallapanchachsqankurayku, ama pipas usichisqa kanapaq.

Lima llaqtapi, 2020 watapa 22 punchaw abril killanpi