TC WATUKUYTA CHASKIRQUN MICHELLE BACHELET COMISIONADAPATA ONU HUÑUNAKUYPA SUTINPI

Tribunal Constitucional (TC) wasipa Pleno huñunakuyninpa umalliqnin magistrado Augusto Ferrero Costa watukuyta chaskirqun Michelle Bachelet comisionadapata, Naciones Unidas huñunakuypi runakunapa derechon amachaysiypi llamkapakuq.

Huñunakuymi karurqa 5:00 uras chisinkuy pacha Lima Tribunal Constitucional wasipi, huñunakuymanmi minkariykukullankutaq Francisco Morales Saravia, Helder Domínguez Haro, Luz Pacheco Zerga, Manuel Monteagudo Valdez hinallataq César Ochoa Cardich magistradokuna.

Huñunakuypim magistradokuna rimariykunku Tribunal Constitucionalpa ruwayninkunamanta runakunapa derechonta amachaysinankupaq, TC jurisprudencia kamachiykunamanta ima.

Hatun comisionadatam huñunakuypi puriykaysinku José María Aranaz, paymi director América-kunapaq, Europa hinallataq Asia Central-paq; Maia Campbell, paymi coordinadora Misión Técnica qispichiypi, hinallataq Igor Garafulic, payñataqmi Perú suyupi coordinador Naciones Unidas huñunakuypa sutinpi.